ගණඳුර දුරලු බැස නොම යන රිවිඳාන……

තාත්තලා අප වෙනුවෙන් කරන කැපකිරීම් කොතරම්ද?
මේ සටහන තබන්නට හේතුපාදක වූයේ කාරණා දෙකක්

එකක් අපගේ ආදරණීය කතන්දරකාරයාගේ පියාණන්ගේ අභාවය.

අනෙක ඉහත කාරණය අළලා පිස්සාගේ පළාමල්ලේ තැබූ කෙටි සටහනක්

“පිය සෙනෙහස නැතිද දරුවනි හඳුනන්නේ-අම්මාවරුන් පමණද මතු බුදුවන්නේ?” කියල ටී.එම්.ජයරත්න අසන පැනයට ඔහුගේ පුතණුවන් ඉසුරු ජයරත්න මෙහෙම පිළිතුරු දෙනව;”පියාණනි,මගේ ලෝකයේ සක්විති රජු ඔබයි.බක්කුල තෙරුන් මෙන් ඔබ නිදුක් නිරෝගී වේවා!…………………………..”

ගීතය මෙතැනින් ගන්න.

ආදරේ ඇයි පොඩි හඳමාමේ ඔබට මෙතරම් දරුවෝ….

පෝයදාට මං අහස දිහා බැලුවම

ලස්සන වටකුරුවට හඳමාම ඉන්නව දැක්ක.

මං අපේ අම්මටත් පෙන්නුව

තාත්තටත් පෙන්නුව

අයියටත් පෙන්නුව

අක්කටත් පෙන්නුව

අත්තම්මටත් පෙන්නුව

සීයත් හිටියනම් පෙන්නන්න තිබුණ.

මම හඳමාමව දැක්කේ අඹ ගහේ අග්ගිස්සෙන්

අම්ම දකල තිබුණෙ කුස්සියෙ ජනේලෙන්

තාත්ත කන්තෝරු කාමරේ ජනේලෙන් එබිල ‘හ්ම්’ කිව්ව

අයිය ලිඳ ඇතුලට එබිල මෙතනත් ඉන්නව කිව්ව

අක්ක නම් කිව්වෙ පල්ලෙහා ගෙදර හිච්චි අයියගෙ මූණ තරං හැඩ නෑ කියල

අත්තම්ම සාදු සාදු කියල මෙහෙම කියනව”පුතේ බුදුහාමුදුරුවො බුදුඋණ දවසෙත් ඔය හඳමාමම තමා උන්නෙ”

අක්ක මොනව කිව්වත් ඊළඟ පෝය දවසෙත් හඳමාම එන බව මං දන්නව.

ඒකයි මං හඳමාමට ආදරේ.

ගීතය ගයන්නේ සිසිර සේනාරත්න සමඟ ඉන්ද්‍රාණි විජේබණ්ඩාර
මෙතැනින් ගීතය ගන්න

අද ඉපැදුණු නැවුම් ලොවට සිව් දෙවියනි වරම් දෙන්න….

මා මෙළොව එළිය දුටු දා මගේ පියා මෙවැනි පැතුමක් කරන්නට ඇත…….

නව ලෝකයකට පාතැබූ මාගේ ආදරබර පුතුනි නුඹට සතරවරම් දෙවි රැකවරණයි!

ගීතය ගයන්නේ සුනිල් එදිරිසිංහ මහතා.

ගීතය මෙතැනින් ගන්න

ආදරයේ උල්පතවූ අම්මා……

ආදරයේ උල්පතවූ අම්මා

මා ඔබගේ පුතුවූ…

ඔබ මතු බුදුවන දවසේ

මා රාහුල කුමරුන් සේ
සෙවණ පතා අද මෙන් පැමිණෙන්නෙමි

සුළැඟිල්ලේ එල්ලී…..

 

සඳ දියකොට කිරි වතුරෙන්

ඒ දියරෙන් මුව දෝවා

දිවමතුරක් වන් නැළැවිලි ගීයෙන්

මතකයි මා නැළැවූවා

ජීවිතයෙන් ජීවිතයක් ගෙනදී

ඒ ජීවිතයට කිරිදී පණදී

මා දැඩි කළ අම්මා…….

 

තුරුළට ගෙන අත්පා හැඩගස්වා

නිදි ගන්වා යහන් ගැබේ

සිහිනෙන් ගෑ සුවඳක් මෙන්

සිහිවෙයි ඒ කිරි සුවඳ ඔබේ

දවසින් දවසට සෙනෙහස ළබැඳී

ගෙනදී දිවියට නව පණ ලැබදී

මා දැඩි කළ අම්මා……

 

සිංදුව මෙතැනින් ගන්න